مقاله

رياض — د سعودي دفاع وزير ايران ته خبرداری: له تاوتريخوالي ډډه وکړئ

اشتراک گذاری:

بریانیوز(دوشنبه، ١۸ حوت ١٤٠٤)

د سعودي عربستان د دفاع وزير خالد بن سلمان ايران ته خبرداری ورکړی چې له ناسمو ګامونو ډډه وکړي. نوموړي دا څرګندونې د توغنديو او بې‌پيلوټه الوتکو له يو لړ بريدونو وروسته کړې چې د سيمې امنيت او ثبات ته ګواښ بلل شوی دی

وزير خالد بن سلمان ويلي چې دغه بريدونه د منځني ختيځ د سيمې امنيت او ارامي له خطر سره مخ کوي. هغه ټينګار کړی چې بايد داسې کړنې ونه شي چې کړکېچ نور هم زيات کړي

نوموړي زياته کړې چې د ستونزو حل لپاره زغم، هوښيارتيا او د خبرو لارې تر ټولو غوره دي، څو د سيمې هېوادونه له نوي تاوتريخوالي خوندي پاتې شي

دا څرګندونې په داسې وخت کېږي چې د ايران او د سيمې د نورو هېوادونو ترمنځ کړکېچ زيات شوی او د سيمې د امنيت په اړه اندېښنې ډېرې شوې دي. شنونکي وايي که تاوتريخوالی دوام وکړي نو د سيمې امنيت او ثبات به له خطر سره مخ شي