مقاله

تهران – د سیمې د یووالي پیغام : عراقچي د افغانستان له ملاتړ څخه مننه وکړه

اشتراک گذاری:

تهران – د سیمې د یووالي پیغام: عراقچي د افغانستان له ملاتړ څخه مننه وکړه

بریانیوز:(چهارشنبه، ۲۷ حوت۱۴۰۴)

د ایران د بهرنیو چارو وزیر، عباس عراقچي، په ټولنیزه شبکه اکس (پخوانی ټویټر) کې په خپره کړې پیغام کې د طالبانو او د افغانستان له خلکو څخه مننه کړې، چې د امریکا او اسرائیل د بریدونو په غندلو او له ایران سره د همبستګۍ په څرګندولو کې یې ملاتړ کړی دی

عراقچي په خپل پیغام کې لیکلي، چې د افغانستان د خلکو او اوسنیو واکمنو دریځ د ستاینې وړ دی، او دا یې د اسلامي هېوادونو ترمنځ د یووالي او ورورولۍ څرګندونه بللې ده. نوموړي زیاته کړې، چې په داسې حساسو شرایطو کې د ملتونو ترمنځ متقابل ملاتړ د سیمې د ثبات او همغږۍ لپاره مهم ارزښت لري.

د طالبانو ویاندانو هم تر دې وړاندې د امریکا او اسرائیل بریدونه غندلي وو او دا یې د نړیوالو اصولو خلاف عمل بللی و

دوی له نړیوالې ټولنې غوښتي، چې د شخړو د حل لپاره له سوله‌ییزو لارو کار واخلي

سیاسي شنونکي باور لري، چې د دې ډول څرګندونو دوام کولای شي د سیمې هېوادونو ترمنځ اړیکې لا نږدې کړي، خو په عین حال کې د نړیوالو سیاسي توازنونو اغېز هم له پامه نه شي غورځېدلی

دا په داسې حال کې ده، چې په وروستیو کې د منځني ختیځ وضعیت ترینګلی شوی او د بېلابېلو هېوادونو ترمنځ سیاسي دریځونه ورځ تر بلې روښانه کېږي