اخبار فوری
د طالبانو د اطلاعاتو وزارت نوې غوښتنه: شنونکي دې د جمهوریت پر وړاندې دریځونه او د حکومت لاسته راوړنې بیان کړي
فــــهــــيـــم شـاهـیـن
07 اسد 1405
51
د طالبانو د اطلاعاتو وزارت نوې غوښتنه: شنونکي دې د جمهوریت پر وړاندې دریځونه او د حکومت لاسته راوړنې بیان کړي
بریانیوز - چهار شنبه،۷اسد ١٤٠٥
د طالبانو د اطلاعاتو او فرهنګ وزارت مرستیال، مهاجر فراهي، له یو شمېر سیاسي شنونکو سره په لیدنه کې غوښتنه کړې چې د رسنیزو بحثونو پر مهال دې د جمهوریت پخوانۍ دوره او په افغانستان کې د بهرنیو ځواکونو حضور تر بحث لاندې ونیسي
د سرچینو په وینا، فراهي له شنونکو غوښتي چې د طالبانو د واکمنۍ د اقتصادي، امنیتي او سیاسي فعالیتونو په اړه خلکو ته معلومات وړاندې کړي او د دوی د حکومت د لاسته راوړنو په اړه بحثونه پراخ کړي
نوموړي ویلي، سیاسي شنونکي باید د عامه پوهاوي په برخه کې خپل رول ولوبوي او د هېواد د روان وضعیت، امنیتي شرایطو او اقتصادي بدلونونو په اړه خپل نظرونه له خلکو سره شریک کړي
د طالبانو د اطلاعاتو او فرهنګ وزارت مرستیال همداراز له شنونکو غوښتي چې د پاکستان د سیاستونو په اړه هم بحثونه وکړي او د اسلاماباد دریځونه او کړنې د خلکو او نړیوالې ټولنې تر پام ورسوي
تر اوسه د طالبانو حکومت په رسمي ډول د دې ناستې په اړه جزییات نه دي خپاره کړي، خو د سیاسي بحثونو او رسنیزو فعالیتونو موضوع په افغانستان کې لا هم د پام وړ مسئله بلل کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl