سیاست

تهران : ایران او عمان د هرمز تنګي د خوندي تګ راتګ لپاره خبرې بیا پیل کړې

اشتراک گذاری:

بریانیوز چهارشنبه ( ۴/ سنبله /۱۴۰۵هـ.ش)

تهران — ایران وايي، له عمان سره یې د هرمز تنګي د مدیریت او د سمندري تګ راتګ د خوندي کولو په اړه خبرې اترې بېرته پیل کړې دي.د راپور له مخې، د دواړو هېوادونو چارواکو په دې خبرو کې د یوه لنډمهاله ګډ سمندري دهلېز د جوړولو او د دغه مسیر د سمندري ماینونو د پاکولو په اړه بحث او هوکړه کړې ده.رمز تنګی د نړۍ له مهمو سمندري لارو څخه دی چې د نړیوالې انرژۍ د لېږد لپاره ځانګړی اهمیت لري. د دغه تنګي له لارې د تېلو او نورو توکو د لېږد هر ډول خنډ کولای شي پر نړیوالو بازارونو او د انرژۍ پر بیو اغېز وکړي

د ایران او عمان ترمنځ دا خبرې په داسې مهال بیا پیل شوې دي چې د ایران او امریکا ترمنځ د یوې هوکړې لپاره روانې دیپلوماتیکې هڅې له ځنډ او خنډ سره مخ شوې دي

په ورته وخت کې، د هرمز تنګي له لارې تګ راتګ لا هم له امنیتي خطرونو سره مخ بلل کېږي او د بېړیو د خوندي تېرېدو په اړه نړیوالې اندېښنې دوام لري

ایران او عمان هڅه کوي د لنډمهاله ګډ دهلېز او د سمندري لارې د پاکولو له لارې د سوداګریزو او بار وړونکو بېړیو لپاره د تګ راتګ خوندي زمینه برابره کړي

د هرمز تنګي د وضعیت هر ډول بدلون د سیمې له امنیتي وضعیت سره سربېره پر نړیوالې سوداګرۍ او د انرژۍ پر بازارونو هم مستقیم اغېز لرلای شي