جاکارتا : د اندونیزیا په جاوه سمندر کې د بېړۍ چپه کېدو له امله ۶ مړه؛ ۱۲۹ کسان لا هم ورک دي

جاکارتا : د اندونیزیا په جاوه سمندر کې د بېړۍ چپه کېدو له امله ۶ مړه؛ ۱۲۹ کسان لا هم ورک دي

 بریانیوز دوشنبه (۲۳/ سنبله /۱۴۰۵هـ.ش)

جاکارتا — د اندونیزیا په جاوه سمندر کې د «ویرګو ټرانسپورټ ۸» په نوم د یوې مسافر وړونکې بېړۍ د چپه کېدو له امله لږ تر لږه شپږ کسان مړه شوي او ۱۲۹ نور لا هم ورک دي

د اندونیزیا د ژغورنې ادارې د تازه معلوماتو له مخې، په بېړۍ کې ټول ۲۴۳ کسان سپاره وو چې ۲۱۳ مسافر او ۳۰ د عملې غړي پکې شامل وو. تر اوسه ۱۰۸ کسان ژغورل شوي او د شپږو کسانو مړي موندل شوي دي

دغه بېړۍ د ختیځې جاوې له سورابایا ښار څخه د بورنیو ټاپو د جنوبي کالیمانتان ولایت مرکز بانجارماسین ښار ته روانه وه، چې د یکشنبې په سهار له سختې هوا او لوړو څپو سره مخ شوه او وروسته چپه شوه

د چارواکو په وینا، د بېړۍ قوماندان تر پېښې مخکې د سمندر د خراب وضعیت او سختو څپو په اړه خبر ورکړی و. وروسته بېړۍ یوې خوا ته کږه شوه او له هغې سره اړیکه هم پرې شوه

د ورکو کسانو د موندلو لپاره پراخ ژغورنیز عملیات روان دي. له ۶۰۰ څخه ډېر ژغورونکي، شاوخوا ۱۲ بېړۍ او یو شمېر الوتکې د بېړۍ د وروستي معلوم موقعیت په شاوخوا کې د ورکو کسانو لټون کوي

د پېښې د ژغورنې چارې د سختې هوا له امله له ستونزو سره مخ دي چارواکي هڅه کوي چې د سمندر په پراخه سیمه کې پاتې کسان پیدا او خوندي ځایونو ته یې ولېږدوي

د بېړۍ د چپه کېدو د اصلي لامل په اړه څېړنې هم روانې دي. په ورته وخت کې د ورکو کسانو کورنۍ د ژغورنې د عملیاتو له پایلو او د خپلو خپلوانو د برخلیک په اړه د معلوماتو په تمه د