ترمپ او د بګرام د هوایی میدان د نیولو شوق

ترمپ او د بګرام د هوایی میدان د نیولو شوق

لیکنه: مهندس گلبدین حکمتیار، دحزب اسلامی افغانستان امیر

بریانیوز:( پنجشنبه۳ میزان) د دونالد ټرمپ د وروستیو څرګندونو له مخې، په لندن کې د بريتانيا د صدراعظم سره په ګډه خبري کنفرانس کې، ښکاره ده چې هغه د بګرام دهوایی میدان د نیولو شوق پیدا کړی او غواړي په دې ساده خو جنوني کار سره د «قهرمان» لقب ترلاسه کړي؛ په داسې حال کې چې د غزې د نیولو شوق او هلته د ښکلي ساحل جوړولو هڅه، هغه ته د «عصر هټلر» لقب ورکړ!

هو، موږ پوهیږو چې ته بګرام هوایی میدان غواړې؛ په خپل هدف کې قاطع او جدي یې او د پایلو له ډاره پرته یې غواړې، خو په دې پوه شه چې دا سیاستونه دې د امریکا د زوال سبب ګرځي، او تاریخ به تا د ستایلو وړ فاتح نه ، بلکې د امریکا بریژنف و بلي.

د ټرامپ د بګرام د نیولو تصمیم په اړه څو مهمې خبرې باید په پام کې ونیول شي:

امریکایي رسنۍ ادعا کوي چې امریکایي چارواکي د اسلامي امارت سره د بګرام هوایی میدان کی د بیا پوځي حضور په اړه خبرې کوي، ممکن هدف یې د امریکایي هیئت «آدام بوهلر و زلمی خلیلزاد» کابل ته د استازیتوب سفر او د ملا محمد یعقوب مجاهد د اسلامي امارت د دفاع وزیر دوحې ته تلل وي، خو طالبانو دا ادعا په کلکه رد کړه، د اسلامي امارت لوی درستیز قاری فصیح الدین فطرت په صریحو الفاظو د بګرام په اړه هر ډول مذاکره یا معامله رد کړه.

ټرمپ له لندن څخه د راستنیدو وروسته خپله نرمه لهجه له منځه یووړله او ګواښ یې وکړ چې که د بګرام هوایی میدان  ورنکړل شي، «بدې پېښې به رامنځته شي»! دا سخت لهجه یې مخکې هم د ایران پر ضد کارولې وه.

د بګرام هوایی میدان معامله دکمونستانو اوسیکولرانو د معاملې نه هیڅ توپیر نلري، کمونستانو افغانستان په شوروي وپلوره او سیکولرانو امریکا سره ستراتیژیک امنیتي تړون لاسلیک کړ .

ایا دا ممکنه ده چې د دې دوو ګروپونو پرته دې څوک دغه تاریخي ننگين کار ته غاړه کیږدي؟

ټرمپ د بګرام ارزښت د دې له نظره مهم ګڼي چې د چین د اټومي تاسیساتو سره نژدې دی، او دا بې شکه د چین پر ضد د جګړې اعلان ته ورته دی! د چین هیواد سمدستي عکس العمل هم دا تحلیل تاییدوي.

مگر امریکا د افغانستان د بیا نیولو لپاره بګرام هوایی میدان ته اړتیا لري، نه د چین د مقابلې لپاره .

که ترامپ واقعاً د چین سره د جګړې اراده درلودی، نو آیا تایوان او سویلي کوریا، چې د چین په نږدې کې د امریکا د دوه اډو حیثیت لري، ورته بس نه وې؟

امریکا د چین او روسیې سره د جګړې جرأت نلري، حتی له شمالي کوریا غوندی کوچنی هیواد سره هم له تصادم ډډه کوي.

امریکا ته وایو:

خپل ځواک د یو جګړه ځپلي هیواد لکه افغانستان او مظلوم غزې پر وړاندې مه ازمایئ؛ دا به ستاسو لپاره ډېر شرمونکی او ننگین کار وي، که همت لرئ، د مسکو او بېجینګ سره مقابله وکړئ! خو پام کوي چې د ویتنام جګړه او د امریکا ماتې هم په یاد ولرئ.

هېڅوک نشي کولی بګرام تاسو ته وسپاري؛ هغه کسان چې د امریکا او افغانستان ترمنځ امنیتي تړون یې لاسلیک کړی، دومره ذلیل شول چې حتی ستاسو د سیاحتي ویزې ارزښت هم نلري.

که تاسو ایران ته په شپه کې او په پټه د غلو پشان ورننوتۍ او د تاریخ تر ټولو لوی بمونه وغورځول، خو هیڅ لاس ته راوړنه مو نه درلودله؛ په داسې حال کې چې افغانستان لاهم ستاسو د هوايي ځواک تر کنټرول لاندې دی او هېڅوک مو د پوځي حضور مخه نشي نیولی، تاسو کولای شئ د ورځې په رڼا کې هم بګرام ته راشئ، ځانګړو الوتکو B-2 او B-52 ته هیڅ اړتیا نشته؛ خو آیا دا تضمین لرئ چې د مخکې نه به هم د بد حالت سره مخ نشئ؟

افغانانو ته درواغ مه وایئ؛ ستاسو ولسمشر د مطبوعاتو او د بريتانيا د صدراعظم په حضور کې وايي: بګرام غواړو؛ او کله چې امریکا ته راستنیږي، په سخت لهجه وايي: بګرام ته عاجل اړتیا ده! خو د امریکایي هیئت يوه غړی چې د اسیرانو د خلاصون په نامه کابل ته استول شوی و، وايي: «موږ محدود نظامی حضورغواړو، یوازې د تروریزم پر ضد عملیات لپاره».

کوم تروریزم؟

همدا تاسو وي چې له ۲۰۰۱ تر ۲۰۲۱ پورې مو د طالبانو پر وچولي د تروریسیم ټاپې وهلې، خو په پای کې مو کابل او ټول افغانستان هغوی ته وسپاره !

یوازې څو ورځې مخکې مو ویل چې طالبان د داعش پر وړاندې بریالي دي، او د داعش مرکزونه له افغانستانه پاکستان ته تللي؛ نو څه بدلون راغلی چې په سو ورځوکې داعش بیا افغانستان ته ستون شو او اوس د امریکایي ځواکونو د اړتیا خبره کېږي؟

ښکاري چې دا متغیر او متناقض څرګندونې د ناپوهو مشاورینو اولابیزو تبلیغاتي کار دی، نه د امریکا.

وړاندیز کوو چې د دې زور زیاتي نه ډډه وکړئ؛ خپل ځواک د سولې او امنیت د تامین لپاره وکاروئ نه د جګړو او شرارت لپاره.

نه افغانان د بګرام د نیولو ګواښ درسره منلای شي او نه د وینزویلا خلک .

د وینزویلا خلک له خپل ولسمشر سره ولاړ دي او د مقابلې لپاره تیار دي؛ افغانان به هم شا ته پاتې نه شي!

باور لرو هر هغه چا چې په صادقانه توګه د شوروي اشغالگرو او ناټو د متجاوزینو پر ضد جهاد کړى وي، بیا به د هر مغرور یرغلګر پر وړاندې جهاد وکړي او هېڅوک به د هغه چا سره ملګرتیا ونکړي چې دښمن ته سر ټیټوي او تسلیمیږي .