اخبار فوری
قطر د افغانستان او پاکستان ترمنځ د ۴۸ ساعته اوربند غځولو اعلان وکړ – خلیلزاد: دوحه د دایمي سولې د نوې هڅې کوربه ده
فــــهــــيـــم شـاهـیـن
26 میزان 1404
9
دوحه – د سیمهییزو کړکېچونو په لړ کې، قطر د افغانستان او پاکستان ترمنځ د ۴۸ ساعته اوربند د غځولو اعلان کړی دی.
د امریکا پخواني ځانګړي استازي زلمي خلیلزاد ویلي، دا ګام د دوحې د منځګړیتوب په پایله کې پورته شوی او تمه ده چې دایمي سولې ته لاره هواره کړي
خلیلزاد دا څرګندونې یوه ورځ وروسته له هغې کړې چې د پاکستان پوځ د افغانستان د پکتیکا ولایت په ارګون ولسوالۍ بمبار وکړ او له امله یې لږ تر لږه لس تنه ملکي وګړي ووژل شول. نوموړي دغه برید د اوربند ښکاره سرغړونه بللې ده
د خلیلزاد په وینا، نن به د افغانستان او پاکستان د دفاع وزیران، د استخباراتو مشران او د کورنیو چارو لوړپوړي چارواکي په دوحه کې سره وګوري، څو د تلپاتې اوربند او د ګډو امنیتي ستونزو د حل پر عملي لارو خبرې وکړي
د قطر منځګړیتوب د دواړو هېوادونو ترمنځ د ناپایه شخړو د ختمېدو لپاره یو نوی فرصت بلل کېږي. شنونکي باور لري، که دا خبرې په رښتینې همکارۍ او اعتماد ولاړې شي، نو نه یوازې د کابل او اسلاماباد ترمنځ اړیکې به ښه شي، بلکې د ټولې سیمې ثبات ته به هم نوی چانس ورکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي