اخبار فوری
فــــهــــيـــم شـاهـیـن
26 میزان 1404
20
د امریکا ولسمشر ډونلډ ټرمپ ویلي، که اړتیا پېښه شي، هغه کولای شي د افغانستان او پاکستان ترمنځ روانه شخړه «په ډېره اسانۍ» حل کړي.
ټرمپ دا څرګندونې په سپینه ماڼۍ کې د اوکراين له ولسمشر ووولودیمیر زیلنسکي سره د ګډ خبري کنفرانس پر مهال وکړې. نوموړي وویل: «ما ته خبر رسېدلی چې پاکستان پر افغانستان برید کړی یا شخړه روانه ده، که زه باید دا موضوع حل کړم، نو دا کار ما ته ډېر اسانه دی.»
هغه زیاته کړه چې د امریکا د چارو سمبالول به یې لومړیتوب وي، خو که وخت پیدا کړي، د سیمې د شخړو د حل لپاره به هڅه وکړي. ټرمپ وویل چې هدف یې دا دی چې خلک د جګړو او وژنو له خطره وساتي او په خپلو تېرو هڅو یې د میلیونونو انسانانو د ژغورلو یادونه وکړه
د ټرمپ دا څرګندونې په داسې وخت کې کېږي چې له افغانستان د پکتیکا ولایت څخه راپورونه ورکړل شوي چې هلته یو ځل بیا د پاکستاني ځواکونو د بریدونو ادعا شوې ده.
سره له دې، ټرمپ نور وضاحت ورنکړ چې آیا د افغانستان او پاکستان ترمنځ به د منځګړیتوب لپاره کوم عملي ګام پورته کړي که نه، خو دا خبره یې روښانه کړه چې د سولې راوستل او د خلکو ژوند ژغورل د ده د سیاسي لید یوه مهمه برخه ده
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي