اخبار فوری
د طالبانو د وزیر خبرداری: د افغانستان په فضا کې د ناپېژاندو الوتکو ګرځېدل د هېواد د حریم ښکاره سرغړونه ده
فــــهــــيـــم شـاهـیـن
28 عقرب 1404
95
د طالبانو د حکومت د کلیو د بیارغونې او پراختیا وزیر، محمد یونس آخندزاده، ویلي چې په افغانستان کې د ناپېژاندو الوتکو وروستي پروازونه او ګرځېدل د هېواد د هوايي حریم ښکاره نقض دی او د امارت اسلامي لپاره «د منلو وړ نه دي
آخندزاده څرګنده کړه چې د هوايي امنیت خوندیتوب یې د لومړیتوبونو په سر کې ځای لري او اړوند ادارو ته د لازمې څارنې او مقابلې د اقداماتو د پيل امر ورکړل شوی دی. د هغه په وینا، د دې الوتکو دوامداره فعالیت د اندېښنې وړ دی او حکومت هڅه کوي چې د دې موضوع په اړه هر اړخیز معلومات راغونډ او عملي ګامونه واخلي
نوموړي د دې څرګندونو تر څنګ، د پاکستان له لوري د افغان مهاجرینو جبري اخراج د امارت اسلامي پر ضد د «بهرنیو فشارونو» یوه بله بڼه وبلله. هغه وویل چې ګڼ شمېر افغانان له هېڅ ډول شتمنۍ او د ژوند له اساسي وسایلو پرته د تورخم او سپینبولدک له لارو په سختو شرایطو بېرته لېږل کېږي
د طالبانو د چارواکو په وینا، د مهاجرینو وضعیت ورځ تر بلې کړکېچن کېږي او نړیواله ټولنه باید د افغان کډوالو د ستونزو د هوارولو لپاره بیړني اقدام وکړي
د ناپېژاندو الوتکو د ګرځېدو موضوع لاهم پټه پاتې ده، خو تحلیلګر وايي چې د افغانستان د هوايي حریم ګډوډي ښايي د سیمې د امنیتي تحولاتو او استخباراتي فعالیتونو له زیاتوالي سره تړاو ولري
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
dSvXCdDsOpiOWxtqJcFHVoBJ
-
BbjGYfVvnCqzmaVT
-
FYgtpBvvsvxnPazF