میرضیایف: د افغانستان ګډون د سیمه‌ ییزو همکاریو لپاره مهم دی

اشتراک گذاری:

میرضیایف: د افغانستان ګډون د سیمه‌ییزو همکاریو لپاره مهم دی

(بریانیوز:(جـمـعـه،۴/ثور/۱۴۰۵هـــ .ش

د شوکت میرضیایف، د ازبیکستان ولسمشر، د قزاقستان په پلازمېنه کې په یوې غونډه کې د افغانستان پر مهم رول ټینګار کړی او ویلي یې دي چې د اوبو، اقلیم او چاپېریالي ستونزو په برخه کې د افغانستان ګډون د سیمه‌ ییزو همکاریو لپاره حیاتي ارزښت لري

میرضیایف په خپلو څرګندونو کې ویلي، چې د سیمې هېوادونه باید په ګډه کار وکړي څو د اوبو د مدیریت، د اقلیمي بدلونونو د اغېزو د کمولو او د چاپېریال ساتنې لپاره اغېزمنې تګلارې رامنځته کړي

د هغه په وینا، افغانستان د جغرافیایي موقعیت له امله د سیمې په ایکوسیستم کې مهم ځای لري او بې‌برخې پرېښودل یې د ستونزو د حل پر وړاندې خنډ ګرځي

هغه همداراز زیاته کړې، چې د دوامدار پرمختګ لپاره اړینه ده چې ټول ګاونډي هېوادونه، په ځانګړي ډول افغانستان، په ګډو پروګرامونو کې شامل شي، څو د اوبو سرچینې په عادلانه ډول وکارول شي او د اقلیمي ګواښونو پر وړاندې ګډه مبارزه وشي

شنونکي باور لري، چې د ازبیکستان دا دریځ کولی شي د سیمه‌ییزو اړیکو د پیاوړتیا او د افغانستان د بیا یوځای کېدو لپاره یو مثبت ګام وي، او دا به د اقتصادي او چاپېریالي ثبات په رامنځته کولو کې مهم رول ولوبوي