ورزش

افغانستان د هند پر وړاندې د مهمې یو ورځینۍ نړیواله سیالۍ لپاره میدان ته ښکته کېږي

اشتراک گذاری:

بریانیوز- شنبه ، ۲۳ جوزا١٤٠۵

افغانستان د کرکټ ملي لوبډله نن (شنبه) د هندوستان له ملي لوبډلې سره په یوه مهمه یو ورځینۍ نړیواله سیالۍ کې مخامخ کېږي

دا لوبه د کابل پر وخت د ماسپښین په ۱۲:۳۰ بجو پیلېږي او تمه کېږي چې دواړه لوبډلې به د قوي او رقابتي لوبې لپاره بشپړ چمتووالی وښيي

دغه سیالي له هغې اوونۍ وروسته ترسره کېږي چې افغان لوبډلې په هندوستان کې د ټېسټ لوبې پر مهال له کوربه هېواد څخه درنه ماتې خوړلې وه. اوس افغان لوبډله هڅه کوي چې په محدودو اورونو ( یو ورځینۍ نړیواله فارمټ) کې خپل ښه فارم بېرته ترلاسه کړي او د قوي سیالۍ وړتیا ثابته کړي

کرکټ مینه‌وال دا لوبه د دواړو ټیمونو ترمنځ یوه مهمه او حساسه ازموینه بولي، په ځانګړي ډول ځکه چې افغانستان غواړي د نړیوالو لویو لوبډلو پر وړاندې خپل ثبات، مهارت او پرمختګ څرګند کړي