سیاست

د بریتانیا د دفاع وزیر له دندې استعفا ورکړه؛ د پوځي لګښتونو پر سر له حکومت سره اختلاف

اشتراک گذاری:

بریانیوز- جمعه ، ۲۲ جوزا١٤٠۵

د بریتانیا د دفاع وزیر جان هیلي د پوځي لګښتونو په اړه له حکومت سره د څو میاشتو راهیسې روان اختلاف له امله له خپلې دندې استعفا ورکړې ده

د رویټرز د راپور له مخې، هیلي په خپلو څرګندونو کې د بریتانیا لومړی وزیر کیر سټارمر تورن کړی چې د هېواد د امنیت د پیاوړتیا لپاره یې اړینې مالي سرچینې نه دي برابرې کړې

نوموړي ویلي، په داسې مهال چې بریتانیا له مخ پر زیاتېدونکو امنیتي ګواښونو سره مخ ده، حکومت باید د دفاعي وړتیاوو د لوړولو لپاره زیاتې پانګونې ته ژمنتیا ښودلې وای

هیلي ټینګار کړی چې د هېواد د امنیت ساتنه پراخو امکاناتو او پیاوړو دفاعي چمتووالي ته اړتیا لري، خو د ده په وینا حکومت په دې برخه کې کافي ګامونه نه دي پورته کړي

د دفاع وزیر استعفا د بریتانیا په سیاسي ډګر کې مهم بدلون بلل کېږي او تمه ده چې د هېواد د دفاعي تګلارې او پوځي بودجې په اړه بحثونه نور هم تود کړي