اخبار جهان

یوناما پر افغانستان د پاکستان وروستي بریدونه د اندېښنې وړ وبلل

اشتراک گذاری:

بریانیوز- جمعه ، ۲۲ جوزا١٤٠۵

په افغانستان کې د ملګرو ملتونو مرستندویه پلاوي (یوناما) پر افغانستان د پاکستان وروستي بریدونه د ژورې اندېښنې وړ بللي او د روان کړکېچ د ژر تر ژره پای ته رسېدو غوښتنه یې کړې ده

یوناما په خپلې خبرپاڼه کې ویلي چې د پولې دواړو غاړو ته تاوتریخوالی د ملکي وګړو ژوند له ګواښ سره مخ کوي او د سیمې پر امنیت او ثبات ناوړه اغېزې پرېباسي

دغه بنسټ له ټولو ښکېلو لورو غوښتي چې له زغم، احتیاط او خبرو اترو څخه کار واخلي او د هر هغه اقدام څخه ډډه وکړي چې د کړکېچ د پراخېدو لامل ګرځي

یوناما ټینګار کړی چې د شخړو او اختلافونو هواری باید د سولې، متقابل درناوي او ډیپلوماټیکو لارو له مخې ولټول شي، څو د سیمې خلک له نورو زیانونو او ناخوالو خوندي پاتې شي

د ملګرو ملتونو مرستندویه پلاوي دغه څرګندونې په داسې مهال کړې چې په وروستیو ورځو کې د افغانستان او پاکستان ترمنځ د پولې اړوند ترینګلتیا زیاته شوې او د دواړو هېوادونو ترمنځ یې پراخ غبرګونونه راپارولي دي