اقتصاد

د امریکا او ایران د سولې د لومړني توافق په اعلان سره د سرو زرو بیې لوړې شوې

اشتراک گذاری:

بریانیوز- دوشنبه ٢۵ جوز ١٤٠٥

د سرو زرو نړیوالو بازارونو کې بیې د دوشنبې په ورځ تر ۲ سلنې زیاتې لوړې شوې، وروسته له هغې چې د امریکا او ایران چارواکو د جګړې د پای ته رسولو لپاره د یوې لومړنۍ هوکړې خبر ورکړ

د راپور له مخې، د دې اعلان تر څنګ د تېلو نړیوالې بیې راکمې شوې، ځکه د منځني ختیځ د کړکېچ د کمېدو له امله د انرژۍ د عرضه او ترانزیت په اړه اندېښنې کمې شوې دي

اقتصادي شنونکي وایي، کله چې جیوپولټیکي فشارونه کمېږي، د تېلو بازار عموماً آرامېږي، خو په ورته وخت کې پانګه‌وال د احتمالي خطرونو د ساتنې لپاره خوندي شتمنیو ته، لکه سرو زرو ته، مخه کوي، چې همدا لامل د بیو د لوړوالي سبب ګرځېدلی دی

د بازار شنونکي زیاتوي چې د سولې د خبرو دوام او د سیمې د کړکېچ کمېدل کولی شي په راتلونکو ورځو کې د انرژۍ او قیمتي فلزاتو بازارونو ته نوی توازن ورکړي او د نړیوال اقتصاد پر لور اغېزمن بدلونونه رامنځته کړي