سیاست

شهباز شریف: په بلوچستان او خیبرپښتونخوا کې وسله‌وال له بهرنیو سرچینو ملاتړ اخلي

اشتراک گذاری:

بریانیوزشنبه ( ۳۱ / اسد /۱۴۰۵هـ.ش)

اسلام‌اباد – د پاکستان لومړي وزیر شهباز شریف، د کوم مشخص هېواد له نوم اخیستو پرته، ادعا کړې چې په بلوچستان او خیبرپښتونخوا کې د وسله‌والو فعالیتونو تر شا «فتنه الخوارج» او له «دښمنو هېوادونو» څخه سرچینې ترلاسه کوونکي کسان لاس لري

شهباز شریف ویلي، دغه وسله‌وال د خپلو فعالیتونو لپاره له بهرنیو سرچینو ملاتړ ترلاسه کوي او د بې‌ګناه خلکو د وژلو او ناامنۍ د رامنځته کولو هڅې کوي

نوموړي ټینګار کړی چې پاکستان به د وسله‌والو ډلو پر وړاندې مبارزې ته دوام ورکړي او د هېواد د امنیت او د خلکو د ژوند د ساتنې لپاره به لازم اقدامات ترسره کړي

د پاکستان لومړي وزیر دا څرګندونې داسې مهال کړې دي چې په بلوچستان او خیبرپښتونخوا کې د وسله‌والو بریدونو او امنیتي پېښو په اړه اندېښنې زیاتې شوې دي

اسلام‌اباد په تېرو وختونو کې هم د پاکستان د ناامنۍ تر شا پر بهرنیو لورو د لاس لرلو تورونه لګولي، خو د دغو ادعاوو په اړه د مشخصو هېوادونو له لوري بېلابېل غبرګونونه ورکړل شوي دي