ورزش

نوي ډیلي : هند افغانستان ته په درېیمه شل‌اوریزه لوبه کې هم ماتې ورکړه

اشتراک گذاری:

بریانیوز جمعه (۲۷/ سنبله /۱۴۰۵هـ.ش

د هند د کرکټ ملي لوبډلې افغانستان ته په درېیمه او وروستۍ شل‌اوریزه نړیواله لوبه کې د ۱۲۷ منډو په توپیر ماتې ورکړه او د درېیو سیالیو لړۍ یې په ۳-۰ پایلې سره وګټله

دواړو لوبډلو د پنجشنبې په ورځ په نوي ډیلي کې د دې لړۍ وروستۍ سیالي ترسره کړه، چې هند پکې یو ځل بیا د افغان لوبډلې پر وړاندې برلاسی شو

افغانستان د لړۍ په لومړیو دوو سیالیو کې هم له هند څخه ماتې خوړلې وه او په درېیمه لوبه کې یې هم ونه شو کولای چې د هند ټاکل شوی هدف تعقیب کړي

په دې توګه هند د درېیو واړو سیالیو په ګټلو سره لړۍ په بشپړ بریالیتوب پای ته ورسوله، په داسې حال کې چې افغان لوبډله به د راتلونکو نړیوالو سیالیو لپاره د خپلو تېرو لوبو د کمزوریو د ارزونې هڅه وکړي