سیاست

ډونلډ ټرمپ: درې امریکايي رسنۍ مو د سپینې ماڼۍ له خبري پوښښ منع کړې دي

اشتراک گذاری:

(بریانیوز جمعه (۲۷/ سنبله /۱۴۰۵هـ.ش

د امریکا ولسمشر ډونلډ ټرمپ ویلي، درې امریکايي رسنۍ یې د سپینې ماڼۍ له خبري پوښښ څخه منع کړې دي او ښايي په راتلونکي کې نورې رسنۍ هم له ورته محدودیتونو سره مخ شي

ټرمپ ویلي، سي‌اېن‌اېن، اېم‌اېس‌ناو او پولیټیکو په دوامداره توګه هغه څه خپروي چې نوموړي یې «جعلي خبرونه» بللي دي

هغه د دغو رسنیو پر خبري چلند نیوکه کړې او ویلي یې دي چې د سپینې ماڼۍ د خبري پوښښ په برخه کې به د رسنیو فعالیتونه د حکومت له ټاکل شویو اصولو سره سم تنظیم شي

د امریکا ولسمشر همداراز خبرداری ورکړی چې که نورې رسنۍ هم د ده په وینا ناسم یا ګمراه کوونکي راپورونه خپاره کړي، ښايي د سپینې ماڼۍ له خبري پوښښ څخه د محدودېدو له ورته پرېکړې سره مخ شي

د رسنیو د فعالیت او د سپینې ماڼۍ د خبري پوښښ په اړه د ټرمپ دا دریځ په داسې حال کې مطرح کېږي چې د امریکا په سیاسي چاپېریال کې د حکومت او رسنیو ترمنځ د اړیکو او د خبریالانو د لاسرسي موضوع له مهمو بحثونو څخه ده