روسیه: مسکو هېڅکله له اوکراین سره د سولې خبرو ته شا نه ده ګرځولې

بریانیوز:(شنبه۴ دلو۱۴۰۴) د روسیې د بهرنیو چارو وزارت یو ځل بیا ټینګار کړی چې مسکو هېڅکله له اوکراین سره د خبرو اترو څخه ډډه نه ده کړې او تل یې هڅه کړې چې روانه جګړه د سیاسي او ډیپلوماټیکو لارو حل کړي

د روسیې د بهرنیو چارو وزارت د شنبې په ورځ (د دلو ۴مه) په یوه رسمي اعلامیه کې ویلي چې د اوکراین د بحران په اړه د مسکو دریځ روښانه، ثابت او د اوږدمهاله سولې پر بنسټ ولاړ دی. د یاد وزارت په وینا، روسیه د یوې داسې پراخې هوکړې غوښتونکې ده چې عادلانه وي، د سیمې امنیت تضمین کړي او د راتلونکو شخړو د تکرار مخه ونیسي.

په همدې تړاو، د روسیې د بهرنیو چارو وزارت کې د خپلواکو همګټو هېوادونو

د روسیې د بهرنیو چارو وزارت یو ځل بیا ټینګار کړی چې مسکو هېڅکله له اوکراین سره د خبرو اترو څخه ډډه نه ده کړې او تل یې هڅه کړې چې روانه جګړه د سیاسي او ډیپلوماټیکو لارو حل کړي

د روسیې د بهرنیو چارو وزارت د شنبې په ورځ (د دلو ۴مه) په یوه رسمي اعلامیه کې ویلي چې د اوکراین د بحران په اړه د مسکو دریځ روښانه، ثابت او د اوږدمهاله سولې پر بنسټ ولاړ دی. د یاد وزارت په وینا، روسیه د یوې داسې پراخې هوکړې غوښتونکې ده چې عادلانه وي، د سیمې امنیت تضمین کړي او د راتلونکو شخړو د تکرار مخه ونیسي

په همدې تړاو، د روسیې د بهرنیو چارو وزارت کې د خپلواکو همګټو هېوادونو د دویمې ادارې مشر، الکسي پولیشوک، ویلي چې مسکو له پیل راهیسې د خبرو اترو ملاتړ کړی او اوس هم چمتو دی چې له کیف سره د سیاسي حل پر بنسټ خبرې وکړي

پولیشوک په څرګندو ټکو ویلي:

موږ هېڅکله له اوکراین سره د خبرو اترو دروازې نه دي تړلي. برعکس، موږ په رښتینې توګه غواړو چې دا بحران د سیاسي او ډیپلوماټیکو لارو پای ته ورسېږي، نه د جګړې او زور له لارې

د هغه په وینا، روسیه باور لري چې هره هوکړه باید د متقابل درناوي، د ټولو اړخونو د مشروع امنیتي اندېښنو په پام کې نیولو، او د سیمې د واقعي شرایطو پر بنسټ جوړه شي. نوموړي ټینګار وکړ چې د جګړې دوام نه یوازې روسیې او اوکراین ته درانه زیانونه اړولي، بلکې د اروپا او نړۍ پر امنیت او اقتصاد یې هم ناوړه اغېزې لرلې دي

د روسي چارواکو په اند، د لوېدیځو هېوادونو له لوري د اوکراین پوځي ملاتړ د جګړې د اوږدېدو لامل شوی او د سولې د هڅو پر وړاندې خنډونه جوړوي. مسکو له نړیوالې ټولنې غوښتي چې د جګړې د زیاتېدو پر ځای د خبرو اترو او سیاسي حل ملاتړ وکړي

دا څرګندونې داسې مهال کېږي چې د اوکراین جګړه لا هم دوام لري او د سولې د خبرو د بیا پیل لپاره نړیوالې هڅې زیاتې شوې دي. یو شمېر نړیوال شنونکي باور لري چې پوځي حل نور امکان نه لري او یوازینۍ معقوله لاره دا ده چې ښکېل اړخونه د خبرو مېز ته ستانه شي

د یادونې وړ ده چې د اوکراین جګړې په تېرو کلونو کې پراخ بشري ناورین رامنځته کړی، میلیونونه خلک بې‌ځایه شوي، اقتصادي زیربناوې ویجاړې شوې او نړیوال بازارونه یې له سخت فشار سره مخ کړي دي. له همدې امله، د جګړې د پای ته رسولو او د سولې د ټینګښت غوښتنې ورځ تر بلې زیاتېږي