اخبار فوری
امریکا ولسمشرټرمپ: امریکا د افغانستان له پاتې پوځي تجهیزاتو د بېرته ترلاسه کولو امکان ارزوي
فــــهــــيـــم شـاهـیـن
28 جوزا 1405
53
امریکا ولسمشرټرمپ: امریکا د افغانستان له پاتې پوځي تجهیزاتو د بېرته ترلاسه کولو امکان ارزوي
بریانیوز- پنجشنبه ٢۸ جوز ١٤٠٥
د امریکا ولسمشر ډونالډ ټرمپ ویلي چې واشنګټن ښايي هغه پوځي وسایل او تجهیزات بېرته ترلاسه کړي چې په ۲۰۲۱ کال کې د امریکايي ځواکونو د وتلو پر مهال په افغانستان کې پاتې شوي وو
نوموړي په خپلو څرګندونو کې ویلي چې دا موضوع د امریکا د امنیتي او پوځي ارزونو په چوکاټ کې تر غور لاندې ده، او دا نه ده رد شوې چې د دغو تجهیزاتو د بېرته راټولولو یا ترلاسه کولو هڅه وشي
دا موضوع د هغه پراخ بهیر سره تړاو لري چې د پخواني ولسمشر جو بایډن د ادارې پر مهال د امریکايي ځواکونو د وتلو په ترڅ کې ترسره شو، او له امله یې په افغانستان کې د امریکا د لوی شمېر پوځي وسایلو، وسایطو او تجهیزاتو د پاتې کېدو راپورونه خپاره شول
شنونکي وایي، که واشنګټن د دې موضوع د عملي تعقیب پرېکړه وکړي، نو دا به نه یوازې د افغانستان او امریکا ترمنځ په سیاسي او امنیتي اړیکو کې نوې خبرې راپورته کړي، بلکې د ۲۰۲۱ کال د وتلو د بهیر پر ارزونې به هم تازه بحثونه راوپاروي
تر اوسه د دې په اړه د عملي ګامونو جزییات نه دي څرګند شوي، خو دا څرګندونې داسې مهال کېږي چې د افغانستان د پوځي تجهیزاتو موضوع لا هم د نړیوالو رسنیو او سیاسي بحثونو مهمه برخه پاتې ده او وخت په وخت پرې نوې څرګندونې کېږي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl