اخبار فوری
فــــهــــيـــم شـاهـیـن
28 جوزا 1405
59
مارک روته: روسیه په اوکراین کې درانه تلفات ویني، د جګړې وضعیت د مسکو لپاره سخت شوی
بریانیوز- پنجشنبه ٢۸ جوز ١٤٠٥
د ناټو عمومي منشي مارک روته ویلي چې روسیه د اوکراین په جګړه کې یوازې په درې اوونیو کې شاوخوا ۳۰ تر ۳۵ زره پورې سرتېري له لاسه ورکوي
نوموړي دغه شمېرې درنې بللې او زیاته کړې یې ده چې دا تلفات د هغه شمېر سره پرتله کېدای شي چې پخواني شوروي اتحاد د افغانستان په لس کلنه جګړه کې تجربه کړي وو؛ هغه جګړه چې د ده په وینا د شوروي د کمزورېدو او وروسته د ړنګېدو له بهیر سره یې مرسته وکړه
روته ټینګار کړی چې اوکراین د نړیوالو اصولو له مخې د خپل هېواد د دفاع بشپړ حق لري او باید د خپلې خاورې د ساتنې لپاره ملاتړ ترلاسه کړي
هغه همدارنګه ویلي چې د جګړې په ډګر کې روسیه تر اوسه د پام وړ پرمختګ نه لري، په داسې حال کې چې اوکراین د خپلو دفاعي عملیاتو په بهیر کې نسبي ښه والی ښيي او مقاومت یې دوام لري
د ناټو عمومي منشي دا څرګندونې په داسې وخت کې کړې چې د اوکراین جګړه لا هم د اروپا او نړیوال امنیت له تر ټولو مهمو کړکېچونو څخه شمېرل کېږي او د جګړې دواړه لوري له درنو پوځي او انساني زیانونو سره مخ دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl