اخبار فوری
فــــهــــيـــم شـاهـیـن
28 جوزا 1405
55
دیمیتری پسکوف: روسیه باید د اوکراین د «ادعا شویو جرمونو» په اړه نړیواله خبرتیا روانه وساتي
بریانیوز- پنجشنبه ٢۸ جوز ١٤٠٥
د روسیې د ولسمشرۍ ماڼۍ ویاند دیمیتری پسکوف ویلي چې روسیه باید د هغو پېښو په اړه چې مسکو یې د اوکراین د حکومت «ادعا شوي جرمونه» بولي، نړیوالو ته د معلوماتو رسولو بهیر ته دوام ورکړي
نوموړي ویلي، که څه هم ځینې اروپایي هېوادونه ښايي دغه ډول پېښې له پامه وغورځوي یا یې اهمیت کم کړي، خو دا باید د روسیې د هڅو مخه ونه نیسي چې د خپلو دریځونو په اړه نړیوال افکار خبر کړي
پسکوف په خپلو څرګندونو کې د روسیې د بریانسک سیمې د یوې پېښې یادونه هم کړې، چې پکې د ماشومانو د یوه بس د هدف ګرځېدو ادعا شوې وه. هغه ټینګار کړی چې دا ډول پېښې باید د نړیوالو رسنیو او عامه افکارو له پامه ونه غورځول شي
نوموړي زیاته کړې چې مسکو باید د دې ډول پېښو د ثبت، خپرولو او مستند کولو بهیر منظم او دوامداره وساتي، څو د ده په وینا دا موضوعات د نړیوالو بحثونو برخه پاتې شي او هېر نه شي
دا څرګندونې په داسې وخت کې کېږي چې د روسیې او اوکراین جګړه لا هم روانه ده او دواړه خواوې یو بل د بېلابېلو بریدونو او سرغړونو په ترسره کولو تورنوي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl