اخبار جهان

پاکستان او ترکیه: سعودي عربستان د حوثیانو پر وړاندې د مرستې غوښتنه نه ده کړې

اشتراک گذاری:

بریانیوزپنجشنبه (۲۶/ سنبله /۱۴۰۵هـ.ش)

ریاض — پاکستاني او ترکي چارواکو ویلي چې سعودي عربستان تر اوسه له دواړو هېوادونو څخه د حوثیانو د بریدونو پر وړاندې د پوځي مرستې رسمي غوښتنه نه ده کړې

د چارواکو په وینا، سعودي عربستان له پاکستان او ترکیې سره د مکې په ښار کې د ګډ دفاع تړون لاسلیک کړی، چې له مخې یې د یوه غړي پر وړاندې وسله‌وال برید د ټولو غړو پر وړاندې د برید په توګه ګڼل کېږي

دواړو هېوادونو چارواکو ویلي چې تر اوسه ریاض د حوثیانو د وروستیو بریدونو په غبرګون کې د پوځي ملاتړ غوښتنه نه ده کړې. یوه ترکي چارواکي هم ویلي چې د ائتلاف د عملي کېدو لپاره لا د ګډو جوړښتونو او اړوندو ترتیباتو د بشپړېدو اړتیا شته

دا څرګندونې داسې مهال کېږي چې سعودي عربستان په وروستیو ورځو کې د حوثیانو د توغندیزو او بې‌پیلوټه الوتکو له بریدونو سره مخ شوی دی. ریاض ادعا کړې چې د مکې په شاوخوا کې یې یوه بې‌پیلوټه الوتکه شنډه کړې، خو حوثیانو د مکې د هدف ګرځولو ادعا رد کړې ده

پاکستان او ترکیې تر اوسه د سعودي عربستان پر وړاندې د حوثیانو د بریدونو په اړه خپل سیاسي ملاتړ څرګند کړی، خو د دواړو هېوادونو چارواکو ویلي چې د ګډ دفاع تړون له مخې د پوځي اقدام په اړه تر اوسه رسمي غوښتنه نه ده شوې