اخبار فوری
فــــهــــيـــم شـاهـیـن
28 میزان 1404
10
سرمنشي د افغانستان او پاکستان ترمنځ د وروستي اوربند اعلان تود هرکلی کړی او ویلي یې دي چې دا اقدام به د دواړو هېوادونو ترمنځ د باور فضا پیاوړې، اړیکې نږدې او د سولې د ټینګېدو لپاره نوې هیلې را ژوندۍ کړي
په اعلامیه کې راغلي، سازمان هیله لري چې دا اوربند به د دواړو هېوادونو ترمنځ د متقابل احترام، همکارۍ او اعتماد بنسټ کیږدي او د سیمې د ثبات او پرمختګ لپاره به د لا زیاتو اقداماتو لاره هواره کړي
د اسلامي اتحاد د چارواکو په وینا، د افغانستان او پاکستان موافقه د خبرو له لارې د شخړو د حل او د تاوتریخوالي د مخنیوي پر لور یو مهم او تاریخي ګام دی. هغوی زیاته کړه، دواړه لوري باید د دایمي سولې د ټینګښت لپاره د تفاهم میکانیزمونه جوړ کړي او د خپلو خلکو د ارام ژوند او سوکالۍ لپاره ګډ کار ته دوام ورکړي
د اسلامي همکاریو سازمان د امت اسلامي د یووالي، تفاهم او ثبات د ټینګښت لپاره پر دوامدارو هڅو ټینګار کړی او ویلي یې دي، دا ډول اوربندونه کولای شي د اوږدمهالو کړکېچونو د ختمېدو او د سیمهییزې سولې د ټینګښت لپاره د پیاوړي بنسټ په توګه عمل وکړي
دغه څرګندونې په داسې حال کې کېږي چې په تېرو اونیو کې د دواړو هېوادونو ترمنځ د پولو په اوږدو کې تاوتریخوالی زیات شوی و، خو د نوې هوکړې اعلان د سیمهییزو څارونکو له لوري د سولې پر لور یو مثبت پرمختګ بلل شوی دی
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي