اخبار فوری
فــــهــــيـــم شـاهـیـن
26 قوس 1404
13
نړیوال – په داسې حال کې چې د اسلامي نړۍ په ګڼو هېوادونو کې فقر، جګړې، بېکاري او لوږه ورځ تر بلې ژورېږي، د کعبې شریفې د رڼا لپاره د ۹۰ میلیونه یورو په ارزښت د زرینو چلچراغونو پروژه یو ځل بیا د اسلامي نړۍ د لومړیتوبونو او ژور اقتصادي واټن په اړه توده بحث راپارولی دی
د راپورونو له مخې، د اتریش مشهورې کمپنۍ «لایت اف وین» اعلان کړی، چې د سعودي عربستان د حکومت تر مدیریت لاندې د ادارې بینالحرمین په غوښتنه یې د مسجدالحرام لپاره ۵۵۰ ځانګړي او قیمتي زرین چلچراغونه جوړ کړي او مکې مکرمې ته یې لېږلي دي. د اتریش دولتي شبکې د سېشنبې په ورځ، د قوس ۲۵مه، راپور ورکړی چې د دې پروژې ټول لګښت نږدې ۹۰ میلیونه یورو ته رسېږي
خو دا پروژه په داسې وخت کې عملي کېږي، چې د یمن، فلسطین، سوډان، افغانستان او د افریقا د ګڼو اسلامي هېوادونو میلیونونه وګړي له لوږې، بېځایه کېدو او بشري ناورینونو سره لاس او ګرېوان دي. منتقدین پوښتنه کوي: ایا د زرینو چلچراغونو رڼا تر لوږې مړه کېدونکو ماشومانو ارزښت لري؟
اقتصادي او ټولنیز شنونکي وایي، که څه هم د مسجدالحرام ښکلا او سمبالښت د اسلامي نړۍ لپاره معنوي ارزښت لري، خو د دومره ستر مالي لګښت توجیه هغه مهال تر پوښتنې لاندې راځي، چې د اسلامي نړۍ په لسګونو میلیونه خلک د یوې مړۍ ډوډۍ لپاره سرګردانه دي. د هغوی په باور، دا پیسې کولای شوې د جګړهځپلو هېوادونو د بیارغونې، د لوږې د مخنیوي او د تعلیم او روغتیا د پیاوړتیا لپاره ولګول شي
د ټولنیزو شبکو کاروونکو هم دا اقدام د «مذهبي تجمل» یوه څرګنده بېلګه بللې او وایي، چې اسلام د سادهګۍ، عدالت او د بېوزلو د لاسنیوي دین دی، نه د شتمنۍ د نندارې. هغوی ټینګار کوي، چې د اسلامي نړۍ مشران باید د عبادت ځایونو د ښکلا تر څنګ د مسلمانانو د ژوند د ژغورلو لپاره هم جدي مسوولیت احساس کړي
دا بحث یو ځل بیا دا پوښتنه راژوندۍ کړې، چې د اسلامي نړۍ اصلي لومړیتوبونه څه دي: زرینې رڼاوې که د لوږې پر وړاندې رڼا؟ هغه پوښتنه چې ځواب یې د میلیونونو مسلمانانو د راتلونکې برخلیک ټاکلی شي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي