مقاله

عباس عراقچي وايي مجتبی خامنه‌ يي روغ دی او د ايران چارې په بشپړه توګه مديريت کوي

اشتراک گذاری:

(دوشنبه،۲۵حوت۱۴۰۴)

د ایران د بهرنيو چارو وزير عباس عراقچي ويلي چې د دغه هېواد نوی روحاني مشر مجتبی خامنه‌يي روغ رمټ دی او د هېواد چارې په بشپړه توګه تر کنټرول لاندې لري

عراقچي دا څرګندونې د وروستيو اوازو او اندېښنو په غبرګون کې کړې دي. نوموړي ټينګار کړی چې د ايران د رهبر روغتيايي حالت ښه دی او د هېواد د سياسي او امنيتي وضعيت اداره په عادي ډول روانه ده

د ايران د بهرنيو چارو وزير زياته کړه چې د هېواد مشرتابه د سيمې د روانو کړکېچونو او سياسي تحولاتو د مديريت لپاره لازم ګامونه پورته کړي دي. د هغه په وينا، د ايران حکومت د داخلي ثبات او ملي امنيت د ساتلو لپاره پرله‌پسې کار کوي

دا څرګندونې په داسې حال کې کېږي چې په دې وروستيو کې د منځني ختيځ د امنيتي وضعيت او د ایران او د امریکا متحده ایالات تر منځ د تاوتريخوالي له زياتېدو سره بېلابېل اوازې خپرې شوې وې

شنونکي وايي چې د ايران د لوړپوړو چارواکو دا ډول څرګندونې عموماً د دې لپاره کېږي چې د خلکو اندېښنې کمې کړي او وښيي چې د هېواد سياسي مشرتابه لا هم د وضعيت بشپړ کنټرول لري