مقاله

نریندرا مودي د هند د تاریخ تر ټولو اوږدمهاله واکمن صدراعظم شو

اشتراک گذاری:

بریانیوز- پنجشنبه، ۲۱ جوزا١٤٠۵

د هند صدراعظم نریندرا مودي د دغه هېواد په معاصر سیاسي تاریخ کې نوی ریکارډ جوړ کړ او د هند لومړنی صدراعظم شو چې تر ټولو اوږده موده یې پر هېواد واکمني کړې ده

مودي چې په ۲۰۱۴ کال کې واک ته رسېدلی و، اوس د خپلې واکمنۍ له ۴۳۹۹ ورځو او دولسو کلونو په بشپړېدو سره د هند د لومړي صدراعظم جواهر لال نهرو پخوانی ریکارډ مات کړی دی سیاسي شنونکي وایي، مودي په دې موده کې د هند په کورنیو، اقتصادي او نړیوالو سیاستونو کې ژور بدلونونه راوستي او د نړۍ د اغېزناکو مشرانو په کتار کې یې ځانته ځانګړی ځای موندلی دی

بل لور ته، د امریکا ولسمشر ډونالډ ټرمپ هم مودي ته د دې تاریخي لاسته راوړنې مبارکي ویلې ده. ټرمپ نوموړی خپل «نږدې ملګری» او «ستر رهبر» بللی او د هند او امریکا ترمنځ د اړیکو په پیاوړتیا کې یې د هغه رول ستایلی دی

مودي د خپلې اوږدې واکمنۍ پر مهال هند د نړۍ د سترو اقتصادي او سیاسي ځواکمنو هېوادونو په ډله کې لا مخته رسولی او د نړیوالو چارو په ګڼو مهمو موضوعاتو کې یې فعاله ونډه لرلې ده

د کارپوهانو په باور، د مودي د واکمنۍ دغه نوی پړاو به د هند پر کورني سیاست، سیمه‌ییزو اړیکو او نړیوال دریځ مهم اغېز ولري، ځکه نوموړی لا هم د هېواد له تر ټولو ځواکمنو او اغېزناکو سیاسي څېرو څخه ګڼل کېږي