مقاله

قزاقستان: د افغانستان او پاکستان ترمنځ کړکېچ باید د خبرو له لارې حل شي

اشتراک گذاری:

بریانیوز- دوشنبه ۱ سرطان ١٤٠٥

د قزاقستان د صدراعظم مرستیال او د اقتصاد وزیر د خپل کابل سفر پر مهال ویلي چې د افغانستان او پاکستان ترمنځ د وروستیو ترینګلتیاوو کمول مهم دي او باید د ډیپلوماټیکو لارو له لارې حل شي

نوموړي ټینګار کړی چې د دواړو هېوادونو ترمنځ اختلافات باید د تاوتریخوالي پر ځای د خبرو اترو او رسمي دیپلوماتیکو چینلونو له لارې هوار شي، څو په سیمه کې ثبات او اقتصادي همکاري زیاته شي

ژومانګارين ویلي چې قزاقستان د سیمې د ثبات ملاتړ کوي او باور لري چې د افغانستان او پاکستان ترمنځ ښه اړیکې د ټولې منځنۍ اسیا او جنوبي اسیا د اقتصادي پرمختګ لپاره مهمې دي

هغه زیاته کړې چې د همکارۍ پراخول او د شخړو کمول کولی شي د ترانزیټ، سوداګرۍ او انرژۍ په برخو کې نوي فرصتونه رامنځته کړي او د سیمې د هېوادونو ترمنځ باور نور هم پیاوړی کړي