مقاله

:یونیسف د اسلامي همکاریو سازمان سره د روغتیا او پوهنې په برخه کې د ګډو هڅو ستاینه وکړه

اشتراک گذاری:

یونیسف :یونیسف د اسلامي همکاریو سازمان سره د روغتیا او پوهنې په برخه کې د ګډو هڅو ستاینه وکړه

بریانیوز- چهار شنبه ۳ سرطان ١٤٠٥

کابل – د ملګرو ملتونو د ماشومانو وجهي صندوق د افغانستان لپاره د اسلامي همکاریو سازمان له استازولۍ سره د خپلو روانو همکاریو د اهمیت په اړه ټینګار کړی او هغه یې د افغان ماشومانو د ملاتړ لپاره ارزښتمنې بللې دي

د ملګرو ملتونو د بشري مرستو د همغږۍ مسوول په اېکس پاڼه لیکلي چې د افغانستان لپاره د د استازولۍ له عمومي رییس سره یې ګټوره او رغنده لیدنه کړې ده

د نوموړي په وینا، په دې کتنه کې د افغان ماشومانو د هوساینې، روغتیايي خدمتونو او تعلیمي فرصتونو د پراختیا په اړه خبرې شوې دي. هغه زیاته کړې چې یونیسف په افغانستان کې د هر ماشوم لپاره د روغتیا او پوهنې د خدمتونو د پیاوړتیا په برخه کې د اسلامي همکاریو سازمان له ملاتړ او همکارۍ مننه کوي

په دې لیدنه کې د بشري همکاریو د پراخولو، د ماشومانو د بنسټیزو حقونو د خوندیتوب او هغو ننګونو د حل پر لارو چارو هم بحث شوی چې میلیونونه افغان ماشومان ورسره مخ دي

دا څرګندونې په داسې مهال کېږي چې نړیوال بنسټونه او مرستندویه ادارې په افغانستان کې د روغتیا، پوهنې او بشري خدمتونو د دوام لپاره د ګډو همکاریو پر پراختیا ټینګار کوي، څو اړمنو کورنیو او ماشومانو ته اغېزمنې مرستې ورسېږي