اخبار فوری
د امریکا او روسیې استازي د اوکراین جګړې د پای لپاره په ابوظبي کې د مهمو خبرو لپاره سره ګوري
فــــهــــيـــم شـاهـیـن
04 قوس 1404
4
په داسې حال کې چې د روسیې او اوکراین تر منځ یو تازه لړ مرگبار هوایي بریدونه د دواړو لورو ګڼو ملکيانو ته د مرگ او ژوبلې سبب شوي، یو امریکایي چارواکي ته تایید کړې چې واشنګټن او مسکو به نن په ابوظبي کې د جګړې د پای په اړه مخامخ غونډه وکړي
دا سرچینه چې نه یې غوښتل نوم یې په ډاګه شي، بیبیسي ته ویلي دي چې د امریکا او روسیې د استازو دغه خبرې نن د اماراتو په پلازمېنه کې ترسره کېږي، خو تر دې دمه د غونډې نور تفصیلي معلومات نه دي خپاره شوي
دغه لیدنه وروسته له هغې ترسره کېږي چې په ژنیو کې د امریکا او اوکراین استازو له څو ورځنیو خبرو اترو وروسته د واشنګټن د سولې د نوې طرحې په اړه لومړني پرمختګونه ثبت کړل
د امریکا له لوري وړاندې شوی د سولې مسوده، چې د جګړې د ختمېدو لپاره یو چوکاټ وړاندې کوي، لا هم د بحث او ارزونې په پړاو کې ده. چارواکي وایي چې د طرحې په ځینو برخو کې «مهم پرمختګونه» شوي، خو یو شمېر اساسي او حساسې مادې لا هم پاتې دي چې پرې هوکړه ته رسېدل اسانه نه ښکاري
په همدې مهال، د روسیې او اوکراین د هوایي بریدونو په اړه تازه راپورونه ښيي چې په دواړو لورو کې ملکي خلک وژل شوي او د جګړې تاوتریخوالی بیا لوړ شوی دی
شنونکي وایي چې د جګړې د شدت زیاتوالی د دې خبرو اهمیت لا لوړ کړی او ښايي د سولې هڅو ته نوې بیړه ورکړي
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي