مقاله

د چین په ګوانګشي کې زورورې چاودنې؛ ۷ کسان وژل شوي او ۱۷ نور ټپیان دي

اشتراک گذاری:

بریانیوز- پنجشنبه، ۲۱ جوزا١٤٠۵

د چین د ګوانګشي په سیمه کې د درنو چاودنو له امله لږ تر لږه ۷ کسان وژل شوي او ۱۷ نور ژوبل شوي دي

د لومړنیو راپورونو له مخې، چاودنو پراخ زیانونه اړولي او بیړني ژغورونکي ځواکونه د پېښې سیمې ته رسېدلي دي. ټپیان روغتیايي مرکزونو ته لېږدول شوي او د ځینو روغتیايي وضعیت د اندېښنې وړ بلل شوی دی

چینایي چارواکو ویلي چې د چاودنو د اصلي لامل د معلومولو لپاره پراخې پلټنې پیل شوې دي او تر اوسه نه ده څرګنده شوې چې پېښه د تخنیکي ستونزې، صنعتي حادثې او که بل کوم علت له امله رامنځته شوې ده

ځایي ادارو د زیانونو د ارزونې او د احتمالي قربانیانو د موندلو لپاره د ژغورنې عملیات هم روان ساتلي دي

د چین حکومت ژمنه کړې چې د پېښې ټول اړخونه به وڅېړي او د پلټنو پایلې به له خلکو سره شریکې کړي دا پېښه په داسې حال کې رامنځته شوې چې په وروستیو کلونو کې چین د صنعتي او ښاري خوندیتوب د معیارونو د لوړولو لپاره یو شمېر نوې تګلارې عملي کړې دي