سیاست

ډهلي: د افغانستان او پاکستان کړکېچ د بریکس د مهمو بحثونو په اجنډا کې شاملېږي

اشتراک گذاری:

بریانیوز-سه شنبه ۲ سرطان ١٤٠٥

ډهلي – د بېلابېلو سرچینو له قوله چې د افغانستان او پاکستان ترمنځ روانه کړکېچنه وضعیت به د بریکس په راتلونکي لوړپوړي غونډه کې د مهمو موضوعاتو له ډلې څخه وي

دغه غونډه چې د هند په پلازمېنه ډهلي کې تر سره کېږي، تمه کېږي د سیمې د امنیتي وضعیت، د نړیوالو شخړو او د څو اړخیزې ډیپلوماسۍ پر مهمو مسایلو تمرکز وکړي

چې د افغانستان او پاکستان ترمنځ وروستي سیاسي او سرحدي ترینګلتیاوې د سیمه‌ییز امنیت لپاره د اندېښنې وړ ګڼل کېږي او ممکن د ګډونوالو د جدي بحثونو برخه شي

په ورته وخت کې ویل شوي چې د لوېدیځې اسیا وضعیت، د منځني ختیځ روان کړکېچونه او د روسیې او اوکراین جګړه هم د دې کال د بریکس د اجنډا له کلیدي موضوعاتو څخه دي

شنونکي باور لري چې بریکس هڅه کوي د نړیوالو بدلونونو په رڼا کې د یو متوازن اقتصادي او سیاسي بلاک په توګه خپل رول نور هم پیاوړی کړي، په ځانګړي ډول په داسې وخت کې چې نړیوال نظم له بې‌ثباتۍ سره مخ دی

تر اوسه د دې راپور په اړه د بریکس رسمي کمېټې یا د افغانستان او پاکستان اړخونو له خوا کوم تفصیلي غبرګون نه دی ورکړل شوی