ذاکر جلالي: بروکسل ته د افغان پلاوي سفر له اروپايي ټولنې سره د اړیکو په بهیر کې مهم پرمختګ دی

ذاکر جلالي: بروکسل ته د افغان پلاوي سفر له اروپايي ټولنې سره د اړیکو په بهیر کې مهم پرمختګ دی

بریانیوز- چهار شنبه ۳ سرطان ١٤٠٥

 د افغانستان د بهرنیو چارو وزارت دویم سیاسي رییس  ویلي چې بروکسل ته د افغان پلاوي اوسنی سفر د افغانستان او  ترمنځ د اړیکو په بهیر کې یو مهم او د پام وړ ګام ګڼل کېږي

جلالي په خپلو څرګندونو کې ویلي چې دا لومړی ځل دی چې د اسلامي امارت یو رسمي پلاوی د اروپايي ټولنې سیاسي مرکز، بروکسل، ته سفر کوي؛ هغه اقدام چې د دواړو لورو ترمنځ د تعامل او سیاسي اړیکو د نوي پړاو نښه بلل کېږي

د نوموړي په وینا، دغه سفر نه یوازې د سیاسي اړیکو د پراختیا لپاره مهم دی، بلکې د متقابل درناوي، ګډو ګټو او رغنده تعامل پر بنسټ د دوامدارو همکاریو لپاره هم نوې لارې پرانیزي

جلالي هیله څرګنده کړې چې د بروکسل خبرې اترې به د افغانستان او اروپايي ټولنې ترمنځ د عملي اړیکو د پیاوړتیا لامل شي او په اروپا کې مېشتو افغانانو ته به د قونسلي خدمتونو، اړیکو او نورو اړینو اسانتیاوو د ښه کېدو زمینه برابره کړي

شنونکي باور لري چې دا سفر په داسې وخت کې ترسره کېږي چې افغانستان د نړیوالې ټولنې، په ځانګړي ډول د اروپايي هېوادونو، سره د سیاسي او اقتصادي تعامل د پراخولو هڅې کوي. د هغوی په اند، د بروکسل دا لیدنه کولای شي د دواړو لورو ترمنځ د خبرو اترو، همغږۍ او متقابل تفاهم لپاره نوی فرصت رامنځته کړي

دا سفر په داسې حال کې ترسره کېږي چې د افغانستان او اروپايي ټولنې اړیکې په وروستیو کلونو کې له ګڼو سیاسي او بشري موضوعاتو سره تړلې پاتې شوې دي، خو دواړه لوري د اړیکو د ساتلو او د ګډو اندېښنو د حل لپاره د خبرو اترو پر دوام ټینګار کوي