اخبار فوری
فــــهــــيـــم شـاهـیـن
23 سنبله 1405
37
د ایران دفاع وزارت: د جګړې بل پړاو ته د ننوتلو لپاره بشپړ چمتو یو
بریانیوز دوشنبه (۲۳/ سنبله /۱۴۰۵هـ.ش)
د ایران د دفاع وزارت سرپرست مجید ابنالرضا وایي، هېواد یې د هر ډول نوي ګواښ پر وړاندې د درېدو او د جګړې د بل پړاو د پیل لپاره بشپړ چمتووالی لري
ابنالرضا ویلي، په واشنګټن کې هغه کسان چې فکر کوي ایران د روانو ګواښونو له امله وېرهېدلی او ښایي خپله تګلاره بدله کړي، «سخت په تېروتنه کې دي»
نوموړي ټینګار کړی چې ایران د خپلو دفاعي وړتیاوو یوازې یوه کوچنۍ برخه ښودلې او د اړتیا په صورت کې به د خپلو وړتیاوو له نورو برخو هم کار واخلي
د ایران د دفاع وزارت سرپرست دا څرګندونې په داسې وخت کې کوي چې د تهران او واشنګټن ترمنځ پوځي کړکېچ لا هم دوام لري او د هرمز تنګي شاوخوا وضعیت هم ترینګلی دی. په وروستیو ورځو کې ایران د احتمالي نوي ګواښونو پر وړاندې د ځواب ورکولو لپاره د خپلې چمتووالي په اړه څو ځله څرګندونې کړې دي
ابنالرضا مخکې هم ویلي وو چې د وروستۍ جګړې پر مهال ایراني ځواکونو د مقابل لوري د پوځي وړتیاوو او تګلارو په اړه مهم معلومات ترلاسه کړي او له دغو تجربو څخه یې د راتلونکو پوځي پلانونو لپاره کار اخیستی دی
د هغه تازه څرګندونې داسې مهال دي چې د ایران او امریکا ترمنځ د جګړې د پای ته رسولو لپاره د احتمالي خبرو بحثونه هم مطرح شوي، خو د دواړو لورو ترمنځ لا هم د پوځي او سیاسي فشارونو کچه لوړه ده
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl