اخبار جهان

واشنګټن : ټرمپ د بهرنیو مسلکي کارکوونکو د ویزې سل زره ډالري فیس یو کال وغځاوه

اشتراک گذاری:

(بریانیوز شنبه (۲۸/ سنبله /۱۴۰۵هـ.ش

د امریکا ولسمشر ډونالډ ټرمپ د بهرنیو مسلکي کارکوونکو لپاره د ځانګړې کاري ویزې پر ځینو غوښتنلیکونو د سل زره ډالرو د فیس شرط د یوه بل کال لپاره غځولی دی. دغه شرط به لږ تر لږه د ۲۰۲۷ کال د سپټمبر تر ۲۱مې پورې نافذ وي

د نوي فرمان له مخې، هغه بهرني مسلکي کارکوونکي چې له امریکا بهر وي او د ځانګړو مسلکي دندو لپاره د کار ویزې له لارې امریکا ته د تګ غوښتنه کوي، د هغوی ګمارونکي باید د غوښتنلیک له بهیر سره سل زره ډالره تادیه وکړي

دغه شرط د هغو کسانو لپاره په ځانګړي ډول پلي کېږي چې له امریکا بهر دي؛ خو د ځینو ځانګړو مواردو لپاره د معافیت امکان هم شته

د امریکا حکومت وايي، د دې پرېکړې موخه د کاري ویزې له پروګرام څخه د ناوړه ګټې اخیستنې مخنیوی او د امریکايي کارکوونکو د دندو ساتنه ده

د دې پرېکړې له مخې، د بهرنیو مسلکي کارکوونکو لپاره د امریکا د کار ویزې ترلاسه کول به د راتلونکي یوه کال په موده کې له پام وړ مالي لګښت سره مل وي