سیاست

ډونالډ ټرمپ: له ډنمارک او ګرینلنډ سره د امنیت پر سر هوکړې ته رسېدلي یو

اشتراک گذاری:

(بریانیوز دوشنبه (۳۰/ سنبله /۱۴۰۵هـ.ش

د امریکا ولسمشر ډونالډ ټرمپ ویلي، متحده ایالات له ډنمارک او ګرینلنډ سره داسې هوکړې ته رسېدلي چې له مخې به یې امریکا په ګرینلنډ کې د امنیت دایمي کنټرول ولري

ټرمپ ویلي، د هوکړې له مخې به د امریکا هېڅ سیال هېواد ونه شي کولای په ګرینلنډ کې له واشنګټن څخه د څرګندې لیکلې اجازې پرته پوځي اډه، پوځي حضور یا د حساسو برخو پانګونه ولري

نوموړي زیاته کړې چې متحده ایالات به وکولای شي د ګرینلنډ د امنیت او دفاع لپاره لازم اقدامات ترسره کړي او په دغه ټاپو کې به خپل پوځي حضور هم پراخ کړي

د ډنمارک او ګرینلنډ چارواکو ویلي، د شوې هوکړې له مخې به د ګرینلنډ او د ډنمارک د سلطنت حاکمیت او ځمکنۍ بشپړتیا خوندي پاتې وي. د هوکړې وروستی لاسلیک به د ملګرو ملتونو د عمومي غونډې په څنډه کې وشي او د ډنمارک او ګرینلنډ د پارلمانونو تصویب ته هم اړتیا لري

تمه ده د هوکړې بشپړ جزئیات د راتلونکو رسمي خبرو او د لاسلیک له بهیر سره روښانه شي