اخبار فوری
وانګ یي: د افغانستان له خاورې د ترهګرو ډلو له منځه وړل د تلپاتې سولې او ثبات لپاره اړین دي
شفيق احمد
24 میزان 1405
56
د چین د بهرنیو چارو وزیر وانګ یي د طالبانو له ادارې غوښتي چې د افغانستان په خاوره کې د ترهګرو ډلو د له منځه وړلو او د اوږدمهاله ثبات د ټینګښت لپاره عملي او اغېزمن ګامونه پورته کړي.
بریانیوز- جمعه، ٢٤ میزان ١٤٠٥
وانګ یي دغه څرګندونې د اذربایجان په پلازمېنه باکو کې د اسیا د متقابل تعامل او باور جوړونې د تدابیرو (سیکا) په اوومه غونډه کې کړې دي. نوموړي په خپله وینا کې د سیمهییزې همکارۍ د پیاوړتیا لپاره څلور مادهییز نوښت هم وړاندې کړی دی.
د چین د بهرنیو چارو وزیر د افغانستان د وضعیت په اړه د سیمهییزې همغږۍ پر پیاوړتیا، د بشري مرستو پر دوام او د دغه هېواد د اقتصادي پرمختګ پر ملاتړ ټینګار کړی دی.
هغه ویلي چې افغانستان د اسیا د امنیتي جوړښت نه بېلېدونکې برخه ده او د طالبانو اداره باید د ترهګرو ډلو د فعالیتونو د مخنیوي او د افغانستان د خاورې د پاکولو لپاره واقعي او اغېزمن اقدامات وکړي، څو په سیمه کې د تلپاتې سولې او ثبات زمینه برابره شي.
د چین دغه غوښتنه په داسې حال کې مطرح کېږي چې بیجینګ له طالبانو سره ډیپلوماتیکې او اقتصادي اړیکې ساتلې دي، خو د افغانستان له خاورې د افراطي ډلو د فعالیتونو او د سیمې د امنیت پر وړاندې د احتمالي فرامرزي ګواښونو په اړه اندېښنه هم څرګندوي.
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl