اخبار فوری
فــــهــــيـــم شـاهـیـن
27 عقرب 1404
243
په کابل کې د طالبانو د حکومت د سرحداتو او قبایلو امور سرپرست وزیر ملا نورالله نوري د تاجکستان له لوړپوړي پلاوي سره د مهمو سرحدي او امنیتي مسایلو په اړه رسمي لیدنه او خبرې وکړې
د معلوماتو له مخې، یاد پلاوی چې مشري یې میرزا زاده عبدالواحد کړې، د دواړو هېوادونو د ګډو اندېښنو، سرحدي وضعیت، همکارۍ او سیمهیزې اړیکو د پراختیا لپاره کابل ته سفر کړی دی
ملا نوري په دغه ناسته کې د انسان او مخدره موادو د قاچاق مخنیوي ته جدي اشاره کړې او زیاته کړې یې ده چې د طالبانو اداره په دې برخه کې عملي ګامونه اخیستي او هڅې یې لا هم روانې دي. د ده په وینا، د سیمې او سرحدونو امنیت یوازې په خبرو نه، بلکې په دوامداره، همغږي او مؤثره همکاریو پورې تړلی دی.په خبرو اترو کې لاندې ټکي څېړل شوي دي:
د ګډو سرحدونو امنیتي وضعیت 🔹
د پولو د رسمي تثبیت مسله🔹
د قاچاقي فعالیتونو د کنټرول ستراتیژي 🔹
د اقتصادي او سیاسي اړیکو پراختیا 🔹
د ګډو امنیتي همکاریو د میکانیزم بحث 🔹
ملا نوري د دواړو هېوادونو د خلکو ترمنځ د ښه ګاونډیتوب، دوستانه اړیکو او دوامدارې همکارۍ غوښتنه وکړه او زیاته یې کړه چې افغانستان د هر هغه اقدام هرکلی کوي چې د سیمې پر امنیت، ثبات، اقتصاد او پرمختګ مثبته اغېزه ولري
د تاجکستان پلاوي هم د متقابل تفاهم، همکارۍ او ګډ امنیت د ساتنې پر اهمیت ټینګار کړی دی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl