سلامت و غذا

د هرات بڼوال: د اوبو کمښت او د سرې لوړې بیې مو عایدات کم کړي

اشتراک گذاری:

بریانیوز- پنجشنبه، ۱- اسـد ١٤٠٥

هرات – د هرات ولایت یو شمېر باغداران وایي، د اوبو کمښت، د کیمیاوي سرې د بیو لوړوالی او د کرنیزو محصولاتو د بازار نشتوالي د دوی پر اقتصادي وضعیت سخت اغېز کړی دی

بڼوال وایي، د کرنې لګښتونه په وروستیو کلونو کې ډېر زیات شوي، خو د حاصلاتو د پلور بازار کمزوری شوی او ډېری وخت دوی نه شي کولای خپل لګښتونه هم پوره کړي

د دوی په وینا، د کیمیاوي سرې بیه لوړه شوې او اوس یوه بوجۍ یې شاوخوا ۵۵۰۰ افغانیو ته رسېدلې، چې د باغدارۍ او کرنې چارې یې ورته لا ستونزمنې کړې دي

هراتي باغداران له اړوندو ادارو غواړي چې د اوبو د ستونزې د حل، د کرنیزو توکو د بیو د کنټرول او د محصولاتو لپاره د مناسب بازار د برابرولو په برخه کې عملي اقدامات وکړي

دوی وایي، که د بڼوالۍ ستونزې حل نه شي، ډېرې کورنۍ چې د خپل ژوند لپاره پر کرنه او باغدارۍ تکیه لري، له جدي اقتصادي ستونزو سره به مخ شي