اخبار فوری
فــــهــــيـــم شـاهـیـن
09 اسد 1405
56
د عامې روغتیا ریاست : ازبکستان د بلخ ابوعلي سينا روغتون ته د ۲۰۰ زره ډالرو طبي تجهيزات ورکړل
بریانیوز/ جمعه ( ۹ / اسد /۱۴۰۵هـ.ش)
د ازبکستان د فرغانې ولایت له لوري د بلخ ولایت له ابوعلي سينا بلخي حوزوي روغتون سره د شاوخوا ۲۰۰ زره امریکايي ډالرو په ارزښت د طبي او غیرطبي تجهیزاتو مرسته شوې ده
د بلخ د عامې روغتیا ریاست د معلوماتو له مخې، په دغو مرستو کې د ناروغانو چپرکټونه، ویلچرونه، د هوا سړوونکې دستګاوې، یخچالونه او ګڼ نور اړین طبي او غیرطبي وسایل شامل دي، چې د روغتون د امکاناتو د پیاوړتیا او ناروغانو ته د غوره روغتیايي خدمتونو د وړاندې کولو لپاره به ترې استفاده وشي
د عامې روغتیا ریاست ویلي، دا مرسته د ازبکستان د فرغانې ولایت له لوري شوې او موخه یې د روغتیايي سکټور ملاتړ او د روغتون د خدمتونو د کیفیت لوړول دي
د بلخ د عامې روغتیا مسئولانو د دغې مرستې هرکلی کړی او ویلي یې دي، چې دا ډول همکارۍ به د روغتیايي خدمتونو د ښه والي، د روغتون د تجهیزاتو د پیاوړتیا او ناروغانو ته د لا غوره اسانتیاوو په برابرولو کې مهم رول ولوبوي
روغتیايي چارواکي هیله څرګندوي چې د افغانستان او ازبکستان ترمنځ د روغتیا په برخه کې دا ډول همکارۍ به لا پراخې شي او د هېواد په روغتیايي بنسټونو کې به د خدمتونو د کیفیت په لوړولو کې اغېزناک تمامې شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl