اقتصاد

د هند خارجه وزیر: هند د نړۍ لپاره ستر سوداګریز بازار دی

اشتراک گذاری:

بریانیوز شنبه (۲۱/ سنبله /۱۴۰۵هـ.ش)

د هند د بهرنیو چارو وزیر ویلي چې هېواد یې د باتجربه بشري ځواک، پرمختللې ټکنالوژۍ، تولیدي وړتیاوو او سوداګرۍ له پلوه د نړۍ لپاره یو له تر ټولو سترو بازارونو څخه دی

نوموړي دا څرګندونې د بریکس سوداګریز فورم ته په وینا کې کړې او ټینګار یې کړی چې د هند سوداګریزې او اقتصادي وړتیاوې په چټکۍ سره د پراختیا په حال کې دي

هغه زیاته کړې چې هند د بشري استعدادونو، ټکنالوژۍ، تولید او کاروبار په برخو کې د پام وړ ظرفیت لري او دغه ظرفیتونه د نړۍ له بېلابېلو هېوادونو سره د سوداګریزو اړیکو د پراختیا لپاره مهم فرصتونه برابروي

د هند د بهرنیو چارو وزیر ویلي، د هېواد مخ پر پراخېدونکي بازار او تولیدي وړتیاوې کولی شي له نورو هېوادونو سره د سوداګرۍ او پانګونې د لا پراختیا زمینه برابره کړي