اخبار جهان

پاریس: په تهران کې د فرانسوي ژبې مرکز تړل د منلو وړ نه دي

اشتراک گذاری:

(بریانیوز دوشنبه (۳۰/ سنبله /۱۴۰۵هـ.ش

د فرانسې د بهرنیو چارو وزارت وایي، په تهران کې د فرانسوي ژبې د زده‌کړې د مرکز تړل د منلو وړ نه دي او په غبرګون کې به د ایران سفیر احضار کړي

د فرانسې د بهرنیو چارو وزارت ویلي، یاد مرکز د تهران په فرانسوي سفارت پورې تړاو درلود او تړل یې د دواړو هېوادونو ترمنځ د اړیکو پر وړاندې د یوه جدي اقدام په توګه ارزول کېږي

د وزارت په وینا، پاریس به د دې پرېکړې په غبرګون کې لازم اقدامات ترسره کړي او د ایران سفیر به د وضاحت لپاره احضار کړي

د فرانسې او ایران اړیکې په وروستیو میاشتو کې لا ترینګلې شوې دي. ایران تېره میاشت دوه فرانسوي ډیپلوماټان له خپل هېواده وایستل، چې ورپسې فرانسې هم دوه ایراني ډیپلوماټان له پاریس څخه وایستل

د دواړو هېوادونو ترمنځ تازه اختلاف په داسې حال کې رامنځته شوی چې د تهران او پاریس ترمنځ د ډیپلوماټیکو اړیکو پر سر لا له وړاندې ګڼې ستونزې او اختلافات موجود دي