سیاست

واشنګټن : ټرمپ ایران ته ګواښ له هوکړې پرته به له سختو پایلو سره مخ شئ

اشتراک گذاری:

(بریانیوز دوشنبه (۳۰/ سنبله /۱۴۰۵هـ.ش

د امریکا ولسمشر ډونالډ ټرمپ او ایراني چارواکو د یکشنبې په ورځ یو ځل بیا د یو بل پر وړاندې د سختو اقداماتو ګواښونه کړي، چې له امله یې د دواړو هېوادونو ترمنځ د روان کړکېچ د لا پراخېدو اندېښنې زیاتې شوې دي

ټرمپ خبرداری ورکړی چې که ایران له امریکا سره هوکړې ته ونه‌رسېږي، هېواد به یې له سختو اقتصادي پایلو سره مخ شي

نوموړي همداراز ویلي چې که تهران هوکړې ته غاړه کېنږدي، د ایران مشران هم د جدي پایلو له ګواښ سره مخ کېدای شي

د امریکا د ولسمشر څرګندونې په داسې مهال کېږي چې د واشنګټن او تهران ترمنځ د اړیکو په اړه کړکېچ لا هم دوام لري او دواړه لوري پر یو بل د فشار زیاتولو ګواښونه کوي

ایراني چارواکو هم په خپلو وروستیو څرګندونو کې ټینګار کړی چې د هېواد د امنیت او ملي ګټو پر سر به له خپل دریځ څخه شاتګ ونه کړي