اخبار فوری
په اروزګان کې د پنبې نوې فابریکه پرانېستل شوه – د ۲۷ میلیونه افغانیو پانګونه او د لسګونو کسانو د کار زمینه
فــــهــــيـــم شـاهـیـن
30 میزان 1404
10
اروزګان – د اروزګان ولایت په دهراوود ولسوالۍ کې د پنبې د پروسس نوې فابریکه په رسمي ډول پرانېستل شوه، چې د ۲۷ میلیونه افغانیو په پانګونه جوړه شوې او لسګونو کسانو ته یې د کار فرصتونه برابر کړي دي
د سیمهییزو چارواکو په وینا، دا فابریکه به د سیمې د بزګرانو د پنبې د حاصلاتو د پروسس ترڅنګ، د ولایت د اقتصاد په پیاوړتیا او د صادراتو په زیاتوالي کې مهم رول ولوبوي
د دهراوود یو شمېر بزګران وايي، له دې وړاندې یې د پنبې حاصلات د مارکېټ د نشتوالي له امله د تاوان په بیه پلورل، خو اوس د فابریکې له جوړېدو سره به د دوی د کار ارزښت څو چنده لوړ شي
یو تن بزګر، حاجي عبدالکریم، وایي:
دا فابریکه زموږ د سیمې د خلکو لپاره د نوې هیلې څرک دی. موږ به نور اړ نه یو چې پنبه نورو ولایتونو ته یوسو، ځکه دلته ورته ښه بازار رامنځته شو
د طالبانو د حکومت چارواکي وایي، د فابریکو جوړول د دوی د اقتصادي خودکفایۍ له مهمو موخو څخه دی، او پلان لري چې د هېواد په نورو ولایتونو کې هم ورته صنعتي پروژې پلې کړي
د اقتصادي چارو کارپوهان باور لري چې دا ډول پانګونې نه یوازې د بیکارۍ کچه راټیټوي، بلکې د افغانستان د کورني تولید په پراختیا او د وارداتو په کمولو کې هم ژور اغېز لري
پاسخ دهید
لغو پاسخاخبار مرتبط
آخرین اخبار
گالری
نظر اخیر
-
بیشک
-
تاريخ هر څه ثبتوي، منفور او تورې څېرې د خپل مردار هوس او چوکۍ لپاره د امام ابوحنيفه په څېر شخصيت ژوند ته ګواښ پېښوي، زنداني کوي او د هيڅ عواقبو کيسه کې یې نه دي، لکه الله تعالی چې د دوي له کړنو غافل وي. همېشه د اسلام تر نامه لاندې ظلمونه، بې عدالتۍ، د اقتدار مردار او نا مقدس هوس داسلام د بدنامېدو، د مسلمانانو د ناکامۍ سبب شوی، خو مطمئن يو، چې عالیقدر مشر به له دې امتحان بريالی وځي، مخ توري او منفورې څېرې به الله تعالی رسوا او ذليلې کوي. په دې وياړو چې د امريکا، ذليلزاد او د هغوي د لاسپوڅو حکومتونو تور لست کې همیشه مجاهدين او نېک خلک په نښه کېږي، ان الملوک اذا دخلوا قرية افسدوها وجعلو اعزة اهلها اذلة وکذلک يفعلون
-
ډېر منفور بدرنګ وحشي انسان دی، د څو ډالرو په مقابل کې د امريکايانو تر څنګ په خپله خاوره، مور او کورنۍ غړو يرغلونه ګوري او مياشتينی معاش ته منتظر وي، دومره بد تاريخ یې پرېښود چې خپلوان به یې په خپلوۍ شرمېژي