اخبار فوری
فــــهــــيـــم شـاهـیـن
09 اسد 1405
46
سعودي عربستان: د سره سمندرګي د امنیت لپاره د نړیوال ایتلاف جوړولو هڅې پیل کړې
بریانیوز/ جمعه ( ۹ / اسد /۱۴۰۵هـ.ش)
سعودي عربستان د سره سمندرګي له لارې د کښتیو د خوندي تګ راتګ د ډاډمنولو او د حوثي وسلهوالو د بریدونو د مخنیوي لپاره د یوه نړیوال ایتلاف د جوړولو هڅې پیل کړې دي
د رویټرز خبري اژانس د راپور له مخې، په وروستیو میاشتو کې د حوثیانو د بریدونو زیاتوالي د سیمې یو شمېر هېوادونه اندېښمن کړي دي او ریاض هڅه کوي چې د دغو هېوادونو ترمنځ همغږي رامنځته کړي
راپورونه وایي، سعودي غواړي د سره سمندرګي د سمندري لارو د امنیت د ساتنې لپاره د سیمهییزو او نړیوالو هېوادونو ملاتړ ترلاسه کړي، څو د سوداګریزو کښتیو تګ راتګ له احتمالي ګواښونو خوندي پاتې شي
د سره سمندرګي مسیر د نړیوالې سوداګرۍ لپاره له مهمو سمندري لارو څخه ګڼل کېږي، چې د حوثي بریدونو له زیاتېدو وروسته یې امنیتي وضعیت د نړیوالو اندېښنې راپارولي دي
سعودي چارواکو تر اوسه د دغه احتمالي ایتلاف د غړو هېوادونو او د جوړښت د جزیاتو په اړه رسمي معلومات نه دي خپاره کړي، خو سرچینې وایي چې ریاض له یو شمېر هېوادونو سره د ګډ امنیتي چوکاټ پر جوړولو خبرې روانې کړې دي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl