اخبار فوری
د روغتیا نړیوال سازمان: محدودیتونه او د بودجې کمښت د افغان ښځو او ماشومانو روغتیايي خدمتونه له ګواښ سره مخ کړي
فــــهــــيـــم شـاهـیـن
09 اسد 1405
40
د روغتیا نړیوال سازمان: محدودیتونه او د بودجې کمښت د افغان ښځو او ماشومانو روغتیايي خدمتونه له ګواښ سره مخ کړي
بریانیوز/ جمعه ( ۹ / اسد /۱۴۰۵هـ.ش)
د روغتیا نړیوال سازمان په خپل کلني راپور کې د افغانستان د روغتیايي وضعیت په اړه اندېښنه ښودلې او ویلي یې دي چې پر ښځینه روغتیايي کارکوونکو محدودیتونه، د بودجې کمښت او پرلهپسې بشري ناورینونه د افغان ښځو او ماشومانو لپاره د روغتیايي خدمتونو د وړاندې کولو پر وړاندې جدي خنډونه رامنځته کړي دي
دغه سازمان ویلي، د روغتیايي سکټور اوسنی وضعیت له ګڼو فشارونو سره مخ دی او د سرچینو کمښت د دې لامل شوی چې د خلکو، په ځانګړي ډول د ښځو او ماشومانو، روغتیايي اړتیاوې په بشپړه توګه پوره نه شي
د راپور له مخې، ښځینه روغتیايي کارکوونکې د روغتیايي خدمتونو په وړاندې کولو کې مهم رول لري، خو محدودیتونه او ستونزې د دې سبب شوې چې په ځینو برخو کې د روغتیايي خدمتونو لاسرسی اغېزمن شي
د روغتیا نړیوال سازمان ټینګار کړی چې د افغانستان روغتیايي نظام د ملاتړ لپاره دوامداره مرستو، د روغتیايي کارکوونکو د ظرفیت پیاوړتیا او د اړینو خدمتونو د دوام لپاره ګډو هڅو ته اړتیا ده
دغه سازمان خبرداری ورکړی چې که د روغتیايي سکټور ستونزې حل نه شي، نو د زیانمنو قشرونو، په ځانګړي ډول ښځو، ماشومانو او بېوزلو کورنیو، ستونزې به لا زیاتې شي
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl