اخبار فوری
فــــهــــيـــم شـاهـیـن
24 سنبله 1405
4
اوچا: سږکال د افغانستان نږدې نیمايي وګړي بشري مرستو ته اړتیا لري
بریانیوز سه شنبه (۲۴/ سنبله /۱۴۰۵هـ.ش)
د ملګرو ملتونو د بشري چارو د همغږۍ دفتر «اوچا» وایي، سږکال به د افغانستان نږدې نیمايي وګړي بشري مرستو ته اړتیا ولري
اوچا په خپل تازه بشري وضعیت کې ویلي، په هېواد کې میلیونونه کسان د خوړو له کمښت، بېځایه کېدو او اقتصادي ستونزو سره مخ دي او د مرستو اړتیا لا هم لوړه ده
د ملګرو ملتونو دغه اداره وايي، د بشري اړتیاوو د زیاتوالي ترڅنګ د مرستندویه کارکوونکو پر وړاندې ګواښونه هم د اندېښنې وړ دي. په نړیواله کچه د تېر یوه کال په ترڅ کې شاوخوا ۱۰۰۰ مرستندویان وژل شوي یا ټپیان شوي دي
اوچا ټینګار کړی چې د مرستو د اغېزمن رسولو لپاره په افغانستان کې د ښځینه مرستندویه کارکوونکو شتون ځانګړی اهمیت لري، ځکه ښځینه کارکوونکې کولی شي هغو ښځو او کورنیو ته هم لاسرسی ولري چې د نارینه کارکوونکو له لارې ورته رسېدل ستونزمن وي
د دې ادارې په وینا، د افغانستان د بشري اړتیاوو د پوره کولو لپاره دوامدارې نړیوالې مرستې او د مرستندویه ادارو د کار لپاره خوندي او مناسب چاپېریال ته اړتیا ده
اوچا خبرداری ورکړی چې د مرستو د کموالي، اقتصادي ستونزو او د بېځایه شویو خلکو د زیاتوالي له امله د افغانستان بشري وضعیت لا هم له جدي ننګونو سره مخ دی
برای نظر دادن باید ثبتنام کرده یا وارد شده باشید ورود?
اخبار مرتبط
آخرین اخبار
گالری
نظر اخیر
-
kcZRtHeWrgoWMTIL
-
GBWGKEROsZZqoosN
-
mBQzzewrmjOEHCuhl