مقاله

شیخ ندا محمد ندیم: محصلین دې له مسلکي زده‌کړو سره اسلامي زده‌کړې هم وکړي

اشتراک گذاری:

بریانیوز پنجشنبه ( ۱۹/ سنبله /۱۴۰۵هـ.ش)

کابل — د لوړو زده‌کړو وزیر، شیخ ندا محمد ندیم، د کابل پولی‌تخنیک پوهنتون په یوه غونډه کې له محصلینو غوښتي چې د مسلکي او عصري زده‌کړو ترڅنګ اسلامي زده‌کړو ته هم پاملرنه وکړي او پر اسلامي نظام باور ولري

ندا محمد ندیم ویلي، د اسلامي او جمهوري نظامونو ترمنځ د قوانینو د سرچینې له پلوه توپیر شته. د نوموړي په وینا، په اسلامي نظام کې د قوانینو بنسټ قرآن کریم او نبوي احادیث دي، خو په جمهوري نظامونو کې قوانین د انسانانو له لوري جوړېږي

نوموړي ټینګار کړی چې محصلین باید د خپلو مسلکي زده‌کړو ترڅنګ د دیني علومو په زده‌کړه کې هم هڅه وکړي او خپلې پوهې د اسلامي ارزښتونو له مخې وکاروي

په همدې غونډه کې د چارو ادارې عمومي رئیس نورالحق انور هم په اسلامي ټولنه کې د امیر پر شتون او د هغه د فرمانونو پر اهمیت خبرې کړې دي

انور ویلي، د اسلامي ټولنې د نظم او ثبات لپاره د امیر شتون مهم دی او د الله تعالی او د هغه د رسول له اوامرو وروسته د امیر د امر منل هم واجب ګڼل کېږي

د غونډې ویناوالو پر دیني زده‌کړو، د اسلامي نظام پر ملاتړ او د هېواد د راتلونکي لپاره د مسلکي کادرونو پر روزنې ټینګار کړی دی