مقاله

د کډوالو وزیر او د ملګرو ملتونو د کډوالو ادارې استازي د افغان کډوالو پر ستونزو خبرې وکړې

اشتراک گذاری:

بریانیوز جمعه (۲۰/ سنبله /۱۴۰۵هـ.ش)

کابل — د کډوالو او راستنېدونکو چارو وزیر مولوي عبدالکبیر په کابل کې د ملګرو ملتونو د کډوالو عالي کمېشنرۍ د دفتر له مشر عرفات جمال سره د افغان کډوالو د ستونزو او د هغوی د وضعیت د ښه کېدو پر لارو چارو خبرې کړې دي

په دې لیدنه کې دواړو لورو د افغان کډوالو پر وړاندې د موجودو ستونزو، د هغوی د اړتیاوو او د دغو ستونزو د حل لپاره د ممکنه لارو چارو په اړه بحث کړی دی

مولوي عبدالکبیر د افغان کډوالو د وضعیت د ښه مدیریت او د هغوی د اړتیاوو د پوره کولو پر اهمیت ټینګار کړی دی

بلخوا، عرفات جمال د ملګرو ملتونو د کډوالو ادارې د فعالیتونو او له افغان کډوالو سره د مرستو په اړه خبرې کړې دي

دواړو لورو د افغان کډوالو د ستونزو د هواري او د هغوی د ملاتړ لپاره د لا زیاتو همکاریو پر دوام ټینګار کړی دی