مقاله

جان بولټن: د سپټمبر د ۱۱مې په څېر د ترهګرۍ ګواښ لا هم شته

اشتراک گذاری:

بریانیوز شنبه (۲۱/ سنبله /۱۴۰۵هـ.ش)

د امریکا د ملي امنیت پخواني سلاکار جان بولټن د سپټمبر د ۱۱مې د ترهګریزو بریدونو د ۲۵مې کلیزې په مناسبت خبرداری ورکړی چې د ترهګرۍ ګواښ لا هم له منځه نه دی تللی

بولټن په خپله «ایکس» پاڼه کې ویلي چې نړۍ لا هم له ورته ترهګریزو ګواښونو سره مخ ده او هېوادونه باید د دې ګواښ پر وړاندې هوښیار پاتې شي

نوموړي ټینګار کړی چې د سپټمبر د ۱۱مې بریدونو پایلې باید هېڅکله هېرې نه شي او د تېرې پېړۍ د تر ټولو خونړۍ ترهګریزې پېښې له تجربو څخه باید زده کړه وشي

د سپټمبر د ۱۱مې د بریدونو ۲۵مه کلیزه سږ کال په داسې حال کې ونمانځل شوه چې د امریکا په ګډون د نړۍ په بېلابېلو هېوادونو کې د نږدې ۳۰۰۰ قربانیانو یاد تازه شو

د امنیتي چارو شنونکي هم وايي، که څه هم له ۲۰۰۱ کال وروسته د ترهګرۍ پر وړاندې نړیوالو هڅو د ځینو ډلو وړتیاوې کمې کړې، خو د ترهګرۍ ګواښ په بېلابېلو بڼو لا هم دوام لري