سیاست

د امریکا ولسمشر ډونالډټرمپ: نتانیاهو به راتلونکې اوونۍ واشنګټن ته سفر وکړي

اشتراک گذاری:

بریانیوز - شنبه، ۳ اسد ١٤٠٥

واشنګټن – د امریکا ولسمشر ډونالډ ټرمپ ویلي، د اسراییلو لومړی وزیر بنیامین نتانیاهو به راتلونکې اوونۍ واشنګټن ته سفر وکړي او په سپینه ماڼۍ کې به ورسره رسمي لیدنه ترسره کړي

ټرمپ ویلي، په دې لیدنه کې به دواړه مشران د ایران له وروستي کړکېچ وروسته د منځني ختیځ د امنیتي وضعیت، د غزې د جګړې، د یرغمل شویو کسانو د خوشې کېدو د هڅو او د امریکا او اسراییلو ترمنځ د ستراتیژیکو همکاریو پر پراختیا خبرې وکړي

دواړه لوري همدارنګه د سیمې د وروستیو سیاسي او پوځي بدلونونو، د ګډو امنیتي ننګونو او د راتلونکو همکاریو په اړه هم د نظرونو تبادله کوي

دا سفر په داسې وخت کې ترسره کېږي چې په منځني ختیځ کې امنیتي کړکېچ، د غزې جګړه او د ایران اړوند وروستي پرمختګونه لا هم د نړیوالو پام ځان ته اړولی او د سیمې د راتلونکي په اړه اندېښنې زیاتې شوې دي